قصيدة من قلبى الجريح أيام كان .......
أنا مسافر
أنا مسافر مع الدنيا ولا اعرف فين تودينى
وحار عقلى وضاع قلبى
وحر الغربة يكوينى
وافكر فين ثبات نفسى
وفين عزمى وفين دينى
دة انا مسلم
وعندى علم يشفينى
لكن علمى ماينفعش
ما عاد العلم كافينى
لازم علم ومعاه اخلاص
وده أملى ومنى عينى
...............
يارب الكون أنا جيتك
كاسر نفسى
وحاطط راسى على أرضك
وانا مسكين ...... أنا إنسى
ولا عارف أسوق فرسى
ولا قادر أدير نفسى
.....................
إله الكون أنا قلبى تعب واحتار من الدنيا
حاولت كتير ومنجحتش
لا مرة أولى ولاتانية
ومشكلتى إن انا عارف
نهاية الدنيا والإنسان
بشر ميت... ودنيا ان طولت فانية
ودارت روحى مع قلبى
ودارت روحى مع عقلى
منين مـ تروحى ياروحى
على نفسك أكيد جانية
.................
يارب أجرنى انا بدعيك
يارب اهدينى انا راجيك
يارب انا سائلك الإحسان
يارب انا نفسى اكون إنسان
ونفسى يكون فى جوفى إيمان
ونفسى العقل مايحرش
ونفسى القلب ما يضعش
ونفسى شطانى ما يكونش
ونفسى َنفسى ما تخونش
ونفسى هوايا ما يجورش
ونفسى الدنيا وان خدعت
تيجي عندى وماتخدعش
.................
ساعتها انا هابقى مطٌمن
ساعتها هاقوم وما هخفش
ولو طال سهرى ما هنمش
وهاخد سكتى مجرى
ومهما تعبت مش واقف
ولكن ممكن.....
أبقى امشى
.....................
مع تحياتي ( علي الطاير )