علشان كرامة شعبنا الروح تهون
**************************
و يبنت عمى متقلقيش
مدمعيش
ولا تخافيش
لو يوم علينا
إحنا مقداف السفينة
و السفينة ماشية مش ممكن تعود
مهما كان البحر مليان بالسدود
مهما كان البحر واعر
ولا مليان بالمخاطر
نصر ربك شئ أكيد
أقوى من كل الجيوش
مهما قالوا كلام علينا
إعملى مبتسمعيش
و إن سمعتى منهم
متصدقيش
كل الكلام إللى إنكتب
و إللى إتقرا
و إللى انطبع
على ميت أفيش
وقولى لهم المسلم جدع
مهما شرب ولا جرع
ميهمهوش
إن كان يموت أو كان يعيش
لو مات هيبقى مات شهيد
وان عاش
هيفضل طول حياتةو دنيتة
حر وعنيد
رافض يعيش
فوق التراب العربى يوم
زى العبيد
دانا كنت ماشى
فى شارع الشيخ عبد الحميد
ولقيت هناك الكتايب
الشيخ على والشيخ ربيع
و الشيخ سعيد
وسمعت أصوات العيال
عمالة تقرا من بعيد
عمالة بتردد آيات النصر
و آيات الوعيد
أنا قلت مش ممكن فى يوم هيهمنا
ظلم اليهود
أنا قلت مش ممكن فى يوم
هيهدنا
صوت البارود
دا العيال على أرضنا
بيرددوا كتاب ربنا
بيقولوا نصر الله قريب
بيقولوا نصر الله أكيد
أنا قلت مش ممكن
يموت الحق
و الباطل يعيش
أنا قلت مش ممكن
يطول الظلم
ولامينتهيش
أنا قلت مش ممكن يكون
هنا لليهود و الأمريكان
يوم أكل عيش
ويابنت عمى متقلقيش
يبقى يقابلنى اللى اسمة بوش
يبقى يقابلنى شارون كمان
يبقى يقابلنى اى واحد العوبان
فاكر بجيشة وسطوتة
هنخاف ونسمع كلمتة
أو نحنى مرة للجبان
لو كنت ناسى أفكرك
بجدود جدودنا من زمان
وشباب حماس فازوا
وواقفين فى الميدان
فازوا فى ساحة لانتخاب
ومصممين على نصرهم
وحلمهم
أصبح حقيقة مش سراب
مهما تقسى ضدهم كل القلوب
مهما تسد فى وشهم كل الدروب
مهما تحذر منهم كل الشعوب
الشعب دا اختارهم خلاص
و الكل قال عايز حماس
مهما المعونة هتتقطع
ولا المساعدة هتتمنع
ولا من الاوباش ندوق
ياعم فوق
دا الرزق جاى من الى فوق
لكل دابة
تحت الصخور بين الشقوق
و الشمس طالعة بالشروق
وبكرة نور
ميهمنا
جوع البطون
وعشان كرامة شعبنا الروح تهون .,
الجمعة أبريل 16, 2010 11:16 am
